تاریخ بویو توم دونیا اینقیلاب لارین دا اولان سیاسال اؤرگوت لره گؤره گئدن قايدالار کیمی آذربایجان میللی حرکتینده ، بیزیم اؤرگوتوموزده بو  بو قایدالاردان آیریجا دئییل.

گونئي آذربايجان ميللي اويانيش حركاتي (گاموح ) اؤرگوتو ، آذربایجان میللی حرکتینین ایلک سیاسال اؤرگوتو اولاراق ، هر زامان اؤنده گئدن و ایلکین ایشلره ایمضا آتان اؤرگوت اولوب ، سونو گؤک اوزونه باغلانان بیر دنیز تک زامان بویو بوتون فیرتینالاری و قورخونج دالغالاری ، ایستر حاکیمییت وریندن ایستر میللی حرکتین کؤرپه لیگیندن ايرلي گلن پروبلئملری جانینا  چکیب ، ایناملی و صبیرلی اویه لریله ، تمکینلی و تدبیرلی باشچی سی ایله ، گؤردویو ایشلردن دولایی آغیر هزینه لری قارشیلاییب و گؤتوردویو هر بیر آددیم لا (دوغال اولاراق اؤز ایچینده ده بير سيرا اؤرگوت  بحران لاری یاشایاراق ) بو قوتسال یولو میللی حرکتین توم فعاللارینا هامارلايیر.

كئجن گونلرده اؤرگوتوموزه عاييد بير سيرا يازيلارا توش گلميشيك.

سایین دوکتور چهرقانلی بیین وئرديي بير سيرا قرارلار حاقدا گئدن سون یازیلاري ائله شدیرمک اساسیندا ، لیدئرليك مسئله سینه بير اچيقلاما گتيرمك ايسته ديك. آنجاق ميللي ليدئر سايين دوقتور چؤهرقانلي دان سؤز آچمادان ، تاریخده اولان باشاریلی و اوغور الده ائدن لیدئرلرین بير پارا اؤزللیکلرینه و بير سيرا تنقيد يارادان ايشلرينه توخونماق ايسته ييرم.

  - ائله بیر دوروم یارانیر کی بیر لیدئر سیاسال حایاتین داکی تبلیغ ائتدیگی و اوغروندا موباریزه آپاردیغی سيلوقانلارين دئييشيلمه سيني گركلي گؤرور!!

·   ائله بیر دوروم یارانیر کی  لیدئر اؤزو ، بیر کسین قارارا چاتیر و اونو عمله کئچیرمک ایچین الیندن گلنی اسیرگه میر. (ایستر اؤرگوتده اولان لار بو قارارلا مووافیق اولسونلار ایستر اولماسینلار) !!!!

·   ائله بیر دوروم یارانیر کی لیدئر ،  زامانیندا اعتیبارسیز ائتدیگی موخالیف لر وریندن گلن دوشونجه يه ، باشقا زاماندا اعتیبار و دیر وئریب اورتایا قویور و ایشه کئچیردیر!!!!

·   - ائله بیر دوروم یارانیر کی  لیدئر اؤزو یاراتدیغی اؤرگوتو ظاهيرده بوحرانی و تهلوکه لی نوقطه لره و آشامالارا سوروتله ییر !!!!

             ..........

اما بو سيرالاديغيميز گؤرونتولري ایکی آچیدان گورمك اولار :

1. دیش ویجهه سی يا ديش گؤرونتوسو

2. ایچ ویجهه سی ، يا ايچ گؤرونتوسو

اوستده يازديقلاريميز ياپيلان ايشلرين ديش گؤرونتوسو اولور ، اما ايچ گؤرونتوسو نئجه اولابيلر؟

-    بیر لیدئر تبلیغ ائتدیگی و اوغروندا چاليشديغي مسئله نی، باشقا زامان دا سیلیب  آتیرسا بو دئمک دئييل کی اؤز باخيشلاريندا و يا نظرلرينده چاتيشمامازليق وار ،  بلكه دورومو و موباريزه قوراللارينا اويان قايدالاري نظرده آلاراق بو تور داورانيشلاري گركلي گؤرور.

-    بیر لیدئر وئردييي  قارارينا ، قارشی و موخالیف نظرلری سایمادان اونو ایشه کئچیرتمه سی  ني ديكتاتورلوق سؤزوايله يانسيتماق ، يانليشدير. بو ذاتا لیدئرلیک  اؤزللیکلریندن آسیلی دیر و  اونو بير چوخ زامانلار سیاسی جریانلاردا،  بیر نئچه آددیم  اونده  اولدوغونا سبب اولور.

-    موخالیف لرین و حتی اؤز سیلاحداشلارینین وریندن گلن اؤنرلری بیر زامان اعتیبارسیز ائتدیگی و باشقا بیر زامان دا همن اؤنریلري اورتایا قویوب و دستکله مه سی ، فیکیر دئییشدیرمه سیندن آسیلی اولا بیلمز ، بلکه اؤنریلدیگی زامان سون آماجا چاتماغا مانیع اولا بیلر دییه  ، دوغرو زامانیندا فایدالانیلیر.

-    لیدئرین وئردييي قارارلاردان دولایی ، اؤرگوتون بوحرانی بیر آشامایا سوروتلنمه سی ،  لیدئرین سیاسال جریانلارا ديققتلي اولوب، بيرسيرا اؤن گؤروشلريندن دولايي سون آماجا چاتان يولدان جايماماق اوچون وئرديي قرارلار اولابيلر.

یوخاریدا گئدن سؤزلرین آرتیق آنلاشيلماسي  نییتیله ، دونیانین سیاسال نابیغه لریندن بیریسی ، روسیه دئوریمینین لیدئری ولادیمئر ایلیچ اولیانوفون  ( لنین ) یاپدیغی ایشلردن اؤرنک گتيرمك یئرلی اولابيلر:

لنین روسیه ده حزبیني قوران آندان اعتیباراً، حیزبینین غالیب و بؤیوک بیر حیزبه چئوريلمه سي اومودو ایله چوخلو ایشلره  ال ووردو. دوستاقدا اولان زامان دا ، تکجه لیدئر تانينيردي و تکجه اوندان سؤز ائشیدیلردی  اما  زامان اولدوکی  حیزب قورولوشوندان 20 ایل سونرا ، لنین چوخلو حیزب اوغروندا گؤردویو ایشلره راغمن ، طرد اولوندو و  هر تورلو تخریبلره معروض قالدي.

ائله بیر دوروم قاباغا گلدی کی آرتیق کیمسه اونو  تانیمیردی ، بو زاماندان 3 آی سونرا ، روسیه تزارینین کاخینی اولیانوفا  لاییق گؤردولر.

آما لنینین ان یاخین دوستلاری و حیزبین اویه لری لنینی طرد ائتمه ندنلرینين   بیر نئچه سین بئله سيرالاييرلار:

- لنینین واز کئچیلمز ایشلریندن بیری مؤوسسیسان مجلیسینی قورماغیدی و اونون یارانماغیندا ،بؤیومه سیینده و آیاق اوسته ساخلاماغيندا الیندن گلنی اسیرگه مه میشدی.  آما زامان گلیر بو مجلیسی حیزب و خالقینین ضررینه گؤروب ، اونو آرادان گؤتورمه یه چالیشیب و هر زامان اولدوغو کیمی بونو دا باشارير.

- دونیا ساواشی باشلادیغی زامان توم سوسیال دئموکراتلار بو مسئله نین قارشیسیندایدیلار ، آما لنین تک بونا ایناناراق کی روسیه نین ایستیبداددان قورتولوشو بو ساواشدادیر ، هرکسین قاباغیندا دایاندی و بونو دا باشاردی و روسیه نی ، ایناندیغی و قوردوغو حیزبین الیله تزار استبداديندان  قورتاردی.

بئله ليكله گؤرونور كي زامانيندا بوتون سياسي انقلابي  حركتلرين ليدئرلرينه قارشي گئدن تخريبلر ، بؤهتانلار و توهين لر، ليدئرين لاييقسيزلييندن يوخ بير سيرا بوردا سيرالاماغا ماجاليميز اولمايان ندنلردن باش توتور.

ياغمور قاياقيزي