آنا ديليميز كيمليگيميز

دونيا سويه سينده گئنل حالدا "ديل " بشرييتين ان بؤيوك ميراثي اولدوغوندا ، "آنا ديل" ايسه هر ميللتين ان بؤيوك ميراثي اولور. بو ميراثي قورويوب، زنگينلشديريب و گلجك نسيللره تاپشيرماق ميلي گؤرولردهن سانيلير.

ايران آدلانان اؤلكه ده چئشيتلي ديل، سوي و كولتورلرين اولماسينا راغمن، ايران فارس رژيمي فاشيستي ايدئولوگياسين يعني: بير ديل ، بير سوي و بير كولتور دوغرولتماق يولوندا، غيري فارس اولان ميللت لر اوزرينده 90 ايله ياخين جيددي فورمادا چيركين آسيميلاسيون سياستيني داواملانديرير.

كسينليكله اينسان سئور مدئرن دونيادا بئله بير چيركين اويقولاما، اومانيستي و اگزيستانسياليستي آچيدان "بشري جينايت" و "كولتوره ل ژئنوسايد" يوكونو داشيماقدادير.

كيمليگيميز اولان آنا ديليميزده اؤيرتيم آلماق ايران آناياساسيندا اؤن گؤرولدویو و حابئله بشر حاقلاري چرچيوه سينده حايات و آزادليق حاقلاري ايله ياناشي تمللي تانينميش اولدوغونوندا، ترسينه، ايران اؤلكه سينده ياساقلي دورومدادير.

بو حاقلاري ساغالتماق و ميللي قورتولوشو آماجلايان، گونئي آذربايجان ميللي حركاتي اؤز سورجينده، آذربايجان - تورك ميللت له شمك پروسئسينده چوخ اؤنملي و بليرله ديجي رول اوينايان ديل فاكتورو دانيلمازدير.

اؤز ديل و مدنييتيميز ايله اويغون اولمايان، باشقا ديلده اؤيرتيم و ائييتيم سيستئم ايله يونه تيلن اوخوللارين و بيليم يوردلارين يئتكي سيز اولدوغونو هامي دوشونوروز و تئزليكله بو يالنيش سيستئمين دييشديريلمه سي دوغرودا ، ميللي چابايا جان آتماغيميزي گركلي گؤروروز.

آذربايجان اؤيرنجي حركاتي اولاراق بو دوغرولتودا اؤز موراجيعتيميزي گونئي آذربايجان شرفلي ميلليتينه و سايين ميللي آكتيويستلره سونوروق.

گلجك بيزيمدير

تبريز – 26/ 6/ 1387

آذربايجان اؤيرنجي حركاتي

www.azoh.net