چهارشنبه بیستم شهریور 1387
بو حئساب سورولاجاق... !
)
بو حئساب سورولاجاق... !
بيلميرم بيلگين دوشمنين آجيغيني چيي دوستدان آچيم ياخود قانادلاري سينديريلميش قارتال يولداشلاريمي اؤزله ييم! بيلميرم او اويانيش قوشلارين آنالارينين قانلي گؤز ياشلارينا دؤزوم ياخود دوه قوشولارين اوچابيلمزليكلرينه گولومسه ييم! بيلميرم بو سورونون ايتميش ايپ اوجونو اؤز توخوما گؤمله ييمدن تاپيم ياخود پيتلاشيق ایپ اوجولاريني دويونلشديريم!
آما سينيق قانادلارين دا بير گون توختاياجاقلاريني هابئله آنالارين دردلرينين اوركلرينده قالماماسينا اينانيرام؛ اينانيرام كي يئنه ده بير گون، قارتاللار دومان بوروموش ساوالانين زيروه سيندن، دوزلاقدا قاريلدايان قارا قارقالارين اوستونه يوروش آپاريب اونلاري «اح. اوْ.» سؤيله مگه زورلاياجاقلار. نهيسه قارتال اوچمايان داغدا قارقانين اوچاجاغي كسيندير.
ساتقينليق حئسابي، او قانلي گؤز ياشلارين آرازجا بيريكيب ائل اوچون سئللنمهسي ايله سورولاجاق؛ قارقالار دا لاشخوْرلار مئيدانينا داش آتيب سينسيجه آراليقدان چرتهبيلمهيهجكلريني بيلمه لي ديرلر. يئني دونيادا اگلهشن كهليك لر باشلاريني ريال لار ايله مانات لار كومه سيندن قالديرسالار، اؤمورلرينين «آذگون» لوك شئيطان فهله سي اولدوقلاريني آيدينجا گؤره بيلرلر. قوشبازلار اويناتديغي قاناريا دئديگي كيمي، قارتاللار شاهي اؤزونو ريالا يوخ دوْلارا ساتدي، آما ايندي دوْلارا ساتيلان قارتال، فهله لر صفينده دوراراق باشقارقا دا هئچ پارا بيريميني دنهمهميش قويمادي. يازيقلار اولسون او ترسه ياندان چالينان زورنايا هابئله دومانلي ساوالانا تين سالان زهلهسيزليك اوجاغينا، آما قارغيشا دا هئچ ديمه ز!
آهه منيم اينامداشلاريم! يئتيشين كي ساوالان دومانسيز، آراز سوسوز ايسه گونش آيدينليقسيز قالميش. كوچه لره سو سپميشم، بلكه قارقالارين توزلاري ياتسين.
گؤزله ييرم او قارقانين دا بير ايشله ديلميش منديل كيمي تاريخ زيبيل قابينا آتيلماسيني؛ آخي، گون گلر صفحه دؤنر، مجبور اولارسان ... !
سومهر تایماز
